ಕಂದ - ೩ನೇ ತರಗತಿ ಸವಿ ಕನ್ನಡ ಪುಸ್ತಕದ ಪ್ರಶ್ನೋತ್ತರಗಳು

ಕಂದ

ಅ ) ಈ ಸಾಲುಗಳನ್ನು ಪದ್ಯದಲ್ಲಿರುವಂತೆ ಪೂರ್ಣಗೊಳಿಸು .

1. ಅಳುವ ಕಂದನ ತುಟಿ ………….
ಉತ್ತರ : ಅಳುವ ಕಂದನ ತುಟಿಯು ಹವಳದ ಕುಡಿಹಂಗ

2. ‘ ಆಡಿ ಬಾ ನನ ಕಂದ ……………
ಉತ್ತರ : ಆಡಿ ಬಾ ನನ ಕಂದ ಅಂಗಾಲ ತೊಳೆದೇನ

3. ಕೂಸು ಇದ್ದ ಮನಿಗೆ ………….
ಉತ್ತರ : ಕೂಸು ಇದ್ದ ಮನಿಗೆ ಬೀಸಣಿಗೆ ಯಾತಕ

4. ಕಂದಾನ ಕಿರಿಕಿರಿ ………….
ಉತ್ತರ : ಕಂದಾನ ಕಿರಿಕಿರಿ ಇಂದೇನು ಹೇಳಲಿ .

ಆ ) ಒಂದೊಂದು ಪದ / ವಾಕ್ಯದಲ್ಲಿ ಉತ್ತರ ಬರೆ .

1. ಅಳುವ ಕಂದನ ಕಣ್ಣೋಟ ಹೇಗಿರುತದೆ?
ಉತ್ತರ : ಅಳುವ ಕಂದನ ಕಣ್ಣೋಟ ಶಿವ ಕೈಯಲಗು ಹೊಳೆದಂಗ ಇರುತ್ತದೆ .

2. ಮಗು ಏನನ್ನು ತಂದು ನಿಲ್ಲಿಸೆಂದು ಕೇಳುತ್ತದೆ ?
ಉತ್ತರ : ಮಗು ಸಂಜೆಯ ಹೊತ್ತಿನಲ್ಲಿ ಆಕಾಶದಲ್ಲಿರುವ ಚಂದ್ರನನ್ನು ತಂದು ನಿಲ್ಲಿಸೆಂದು ಕೇಳುತ್ತದೆ .

3. ತಾಯಿಯು ಕಂದನ ಅಂಗಾಲನ್ನು ಯಾವುದರಿಂದ ತೊಳೆಯುವುದಾಗಿ ಹೇಳುತ್ತಾಳೆ ?
ಉತ್ತರ : ತಾಯಿಯು ಕಂದನ ಅಂಗಾಲನ್ನು ತೆಂಗಿನಕಾಯಿಯ ತಿಳಿನೀರಿನಿಂದ ತೊಳೆಯುವುದಾಗಿ ಹೇಳುತ್ತಾಳೆ .

4. ಅಳುವ ಕಂದನ ತುಟಿಯನ್ನು ಯಾವುದಕ್ಕೆ ಹೋಲಿಸಲಾಗಿದೆ ?
ಉತ್ತರ : ಅಳುವ ಕಂದನ ತುಟಿಯನ್ನು ಹವಳದ ಕುಡಿಗೆ ಹೋಲಿಸಲಾಗಿದೆ .

ಇ ) ‘ ಎರಡು – ಮೂರು ವಾಕ್ಯಗಳಲ್ಲಿ ಉತ್ತರಿಸು .

1. ಕೂಸು ಇದ್ದ ಮನೆಗೆ ಬೀಸಣಿಗೆ ಬೇಡ , ಏಕೆ ?
ಉತ್ತರ : ಕೂಸು ಮನೆಯ ಒಳಗೆ ಹೊರಗೆ ಆಟವಾಡಿಕೊಂಡು ಇದ್ದರೆ ಅದರ ಸಂತೋಷದಿಂದಲೇ ಮನೆಯಲ್ಲಿ ಗಾಳಿ ಬೀಸಿದಂತಾಗುತ್ತದೆ . ಇಲ್ಲಿ ತಾಯಿ ಮಗುವಿನ ಚಲನವಲನವೇ ಗಾಳಿ ಎಂದು ಸಾಂದರ್ಭಿಕವಾಗಿ ಹೇಳಿದ್ದಾಳೆ .

2. ಆಡಿ ಬಂದ ಕಂದನನ್ನು ತಾಯಿ ಹೇಗೆ ಉಪಚರಿಸುವಳು ?
ಉತ್ತರ : ಆಡಿ ಬಂದ ಕಂದನನ್ನು ತಾಯಿ ಉಪಚರಿಸುತ್ತ ಅದರ ಅಂಗಾಲನ್ನು ತೆಂಗಿನಕಾಯಿಯ ತಿಳಿನೀರಿನಿಂದ ತೊಳೆಯುವಳು ಮತ್ತು ಚಿನ್ನದಂತಹ ಕಂದನ ಮುಖವನ್ನು ತೊಳೆಯುತ್ತಾಳೆ .

ಅ ) ತಪ್ಪುಗಳನ್ನು ಸರಿಪಡಿಸಿ.

1. ಬೀಸಣಿಗೆ ಗಾಳಿ ಸುಳಿದವ
ಉತ್ತರ : ಬೀಸಣಿಗೆ ಗಾಳಿ ಸುಳಿದಾವ .

2. ಕುಡಿಹುಬು ಬೇವಿನೆಸಳಂಗ
ಉತ್ತರ : ಕುಡಿಹುಬ್ಬು ಬೇವಿನೆಸಳಂಗ ,

3. ಚಂದಮನ ತಂದು ನಿಲಿಸೆಂದು
ಉತ್ತರ : ಚಂದ್ರಮನ ತಂದು ನಿಲಿಸೆಂದಾ

ಆ ) ಈ ಸಾಲುಗಳನ್ನು ನಕಲು ಮಾಡು.

1. ಆಡಿ ಬಾ ನನಕಂದ ಅಂಗಾಲ ತೊಳೆದೇನ
ಉತ್ತರ : ಆಡಿ ಬಾ ಎನಕಂದ ಅಂಗಾಲ ತೊಳೆದೇನ .

2. ಕುಡಿಹುಬ್ಬು ಬೇವಿನೆಸಳಂಗ
ಉತ್ತರ : ಕುಡಿಹುಬ್ಬು ಬೇವಿನೆಸಳಂಗ ,

ಇ ) ಈ ಪದ್ಯದಲ್ಲಿ ಒತ್ತಕ್ಷರಗಳಿರುವ ಪದ ಳನ್ನು ಬರೆ .
1. ಕಂದಯ್ಯ
2. ತಕ್ಕೊಂಡು
3. ಕಣ್ಣೋಟ
4. ಕುಡಿಹುಬ್ಬು
5. ಕೈಯಲಗು
6. ಹೊಳೆದಂಗ

ಭಾಷಾ ಚಟುವಟಿಕೆ

ಅ ) ಸಮಾನಾರ್ಥಕ ಪದಗಳನ್ನು ಬರೆ .
1. ಬಂಗಾರ = ಚಿನ್ನ , ಸ್ವರ್ಣ
2. ಕೂಸು = ಕಂದ , ಮಗು
3. ತಾಯಿ = ಅಪ್ಪ , ಅಮ್ಮ

ಆ ) ಈ ವಾಕ್ಯಗಳಲ್ಲಿ ಅಡಿ ಗೆರೆ ಹಾಕಿದ ಪದಗಳಿಗೆ ಗ್ರಾಂಥಿಕ ರೂಪ ಬರೆ .

1. ಕೂಸು ಇದ್ದ ಮನಿಗೆ ಬೀಸಣಿಗೆ ಯಾತಕ ?
ಉತ್ತರ : ಮನೆಗೆ

2. ಬಂಗಾರ ಮಾರಿ
ಉತ್ತರ : ಮುಖ

3. ಬೀಸಣಿಗೆ ಗಾಳಿ ಸುಳಿದಾವ
ಗಾಳಿ ಬೀಸಿಕೊಳ್ಳಲು ಇರುವ ಸಾಧನ

4. ಚಂಜೀಯ ಚಂದ್ರಮನ ನಿಲಿಸೆಂದಾ
ಉತ್ತರ : ಸಂಜೆಯ